អង់គ្លេសចាត់វិធានការពិន័យអ្នកមិនពាក់ម៉ាស់ ក្រោយមានអ្នកស្លាប់ដោយសារកូវីដច្រើនទៅៗ

រដ្ឋាភិបាលអង់គ្លេសបានប្រកាសថាខ្លួននឹងដាក់ពិន័យយ៉ាងតឹងរ៉ឹងដែលពលរដ្ឋរូបណាដែលចចេសមិនព្រមពាក់ម៉ាសនៅកណ្ដាលសំបូរមនុស្សកកកុញពិសេសគឺហាងទំនិញ និងផ្សារទំនើប។

ក្នុងលិខិតរបស់ក្រសួងសុខាភិបាលអង់គ្លេសការពិន័យនេះនឹងធ្វើឡើងចាប់ពីថ្ងៃទី២៤ ខែកក្កដា ខាងមុខដោយជនណាមិនព្រមពាក់ម៉ាសការពារត្រូវប្រឈមការពិន័យ១០០ផោន។ ក្រៅពីការពិន័យក៏មានដែរនូវវិធានការចាប់បង្ខំឲ្យពាក់ម៉ាសដោយសារតែពលរដ្ឋអង់គ្លេស មិនខុសពីពលរដ្ឋអឺរ៉ុបឯទៀតគឺមិនខ្លាចទាល់តែសោះចំពោះការឆ្លងមេរោគ។

គួរបញ្ជាក់ថាអង់គ្លេសគឺជាប្រទេសដែលមានអត្រាអ្នកស្លាប់ដោយសារកូវីដ១៩ខ្ពស់ជាងគេនៅទ្វីបអឺរ៉ុបរហូតដល់ជាង ៤ម៉ឺននាក់កន្លះ។ ចំនួនអ្នកឆ្លងកូវីដនៅជុំវិញពិភពលោកគិតត្រឹមថ្ងៃនេះកើនដល់ជាង១៣លាននាក់ និងស្លាប់ ៥,៨សែននាក់៕