(ភ្នំពេញ) ៖ នៅព្រឹកព្រលឹមថ្ងៃទី១៩ ខែមិថុនា ឆ្នាំ២០២០នេះ មនុស្សជាង២រយនាក់ បានធ្វើដំណើរដោយជិះកង់ពីវិមាន ឈ្នះ ឈ្នះ ខណ្ឌជ្រោយចង្វារ រាជធានីភ្នំពេញឆ្ពោះទៅកាន់ខេត្តត្បូងឃ្មុំ ដើម្បីអបអរសាទរខួបលើកទី៤៣ នៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ប៉ុលពត។
លោក អ៊ុក សិទ្ធិជាតិ អគ្គនាយក អគ្គនាយកដ្ឋានកីឡានៃក្រសួងអប់រំ យុវជន និងកីឡា ដែលចូលរួមជិះកង់ក្នុងព្រឹត្តិការណ៍នេះបានមានប្រសាសន៍ថា “តាមរយៈកិច្ចសហការរៀបចំរបស់សហព័ន្ធកីឡាទោចក្រយាន និងកងរាជអាវុធហត្ថលើផ្ទៃប្រទេស ដែលរៀបចំទិវានេះឡើង គឺទី១ ដើម្បីចូលរួមអបអរសាទរ ទិវារម្លឹកខួបលើកទី៤៣នេះផង និងទី២សហព័ន្ធកីឡាទោចក្រយានចង់ឱ្យបងប្អូនប្រជាពលរដ្ឋមានវប្បធម៌ជិះកង់ ដើម្បីសុខភាព ព្រមទាំងលើកតម្លៃនៃកីឡាឱ្យកាន់តែមានសកម្មភាពផុសផុលផងដែរ”។
credit nnhotnews
.jpg)
